بۆ یەكەمجار خزمەتگوزاری ئینتەرنێت لەسەر مۆبایل لە وڵاتی كوبا كارا دەكرێت

07:03 - 05/12/2018
جیهان

سبەینێی بۆ یەكەمجار هاوڵاتیانی كوبا سودمەند دەبن لە خزمەتگوزاری ئینتەرنێت لەڕێی مۆبایلی زیرەكەوە. 

تانیا ڤیلازكویز _ جێگری سەرۆكی كۆمپانیای هێڵەكانی پەیوەندی بە تەلەفزیۆنی فەرمی حكومەتی كوبای ڕاگەیاند: سبەینێ هاوڵاتیانی كوبا دەتوانن سوودمەندبن لە خزمەتگوزاری ئینتەرنێت لەسەر مۆبایلی زیرەك.

تانیا باسی لەوە كرد: ئینتەرنێتەكە بەشێوەی 3Gیە، هەربۆیە بەكارهێنەران لەڕێگەی دانانی ئیمەیلەوە لەسەر مۆبایلەكانیان، دەتوانن سوودمەندبن لە خزمەتگوزارییەكە.

وڵاتی كوبا جەزیرەیەكی گەورەیە لە ئەمریكای ناوەڕاست و دەسەڵاتێكی ئیشتراكی شیوعی حوكی دەكات، یەكەم وڵاتە كە بێبەشە لە خزمەتگوزاری ئینتەرنێت، پاش ئەوەی ساڵی ڕابردوو ئەو خزمەتگوزارییە بۆسەر كۆمپیتەر كارا كرا.

ساڵی 2014 باراك ئۆباما سەرۆكی ئەمریكاو ڕائول كاسترۆ سەرۆكی كوبا ڕێككەوتنێكییان بۆ ئەو مەبەستە ئەنجامداو ساڵی رابردووش مۆڵەتی فەرمی بەكارهێنانی ئینتەرنێتی وەرگرت.

48 جار خوێندراوەتەوە