جیهان؛ نرخی نەوتی خاو بۆ 61 دۆلار دابەزی

01:33 - 05/12/2018
ئابوری

نەوتی خاوی ئەمریكا بە 52 دۆلار و 56 سەنت مامەڵەی پێوەكرا


نرخی یەك بەرمیل نەوتی خاوی برێنت دابەزی بۆ 61 دۆلار و 23 سەنت و نەوتی خاوی ئەمریكاش بە 52 دۆلار مامەڵەی پێوەكرا.

ئاژانسەكانی هەواڵ بڵاویانكردەوە, لە كاتژمێر شەش و 45 خولەكی ئەمڕۆوە نرخی نەوت دابەزینی بەخۆیەوە بینیوە‌و لەو چوارچێوەیەشدا یەك بەرمیل نەوتی خاوی برێنت لەبازاڕەكانی جیهاندا بە 61 دۆلار و 23 سەنت مامەڵەی پێوەكراوە و بەهەمان شێوە یەك بەرمیلی خاوی ئەمریكاش نرخەكەی دابەزیوە بۆ 52 دۆلار و 56 سەنت.


دابەزینی نەوتی خاوی برێنت لەبازاڕەكاندا بەر لەو كۆبونەوەیە دێت كە بڕیارە ڕۆژی پێنجشەممە بەبەشداری وڵاتانی ئەندامی ئۆپێك لەشاری ڤیەننای پایتەختی وڵاتی نەمسا سەبارەت بە بڕیاردانی كۆتایی لەبارەی ئاستی وەبەرهێنانی نەوتەوە بۆ ساڵی 2019 بەڕێوەبچێت.

186 جار خوێندراوەتەوە