ئەمڕۆ رۆژی جیهانی نەخۆشی ئایدزە

12:12 - 01/12/2018
تەندروستی

ڕۆژی یەكی كانونی یەكەم ڕۆژی جیهانی نەخۆشی ئایدزە
هەرێم؛ لەمساڵدا شەش حاڵەتی توشبون بە نەخۆشی ئایدز تۆماركراون
هەرێم؛ لەمساڵدا 23 كەسی بیانی توشبوی ئایدز ڕەوانەی وڵاتانی خۆیان كراونەتەوە
هەتا ئێستا 32 حاڵەتی توشبون بەنەخۆشی ئایدز لە هەرێم هەیە

 وەزارەتی تەندروستی هەرێم ڕایدەگەیەنێت لەمساڵدا شەش حاڵەتی نوێی توشبون بە نەخۆشی ئایدز, لە هەرێمی كوردستان تۆماركراون و ژمارەی توشبوانی نەخۆشیەكەش لە 32 ساڵی ڕابردوشدا لە كوردستان 32 حاڵەتە.

ڕۆژی یەكی كانونی یەكەمی هەموو ساڵێك بە ڕۆژی جیهانی نەخۆشی ئایدز دیاریكراوەو وەزارەتی تەندروستی هەرێمیش ئامارێكی تایبەت بەو نەخۆشیە و توشبوانی ئەو ڤایرۆسە لەكوردستان بڵاوكردەوە.

بەپێی ئامارەكەی وەزارەتی تەندروستی, ساڵانە لە هەرێمی 350 هەزار كەس پشكنینی ئەو نەخۆشیەیان بۆ دەكرێت, كە ئەوانەش بریتین لەو هاوڵاتیە بیانیانەی دێنە هەرێم و ئەوانەی هاوسەرگیری دەكەن و ئەو كەسانەی نەشتەرگەرییان بۆ دەكرێت لەگەڵ بەندكراوان و توشبوانی نەخۆشیە درێژخایەنەكان.

ئەوەشخراوەتەڕوو, تەنها لە ساڵی 2018دا شەش حاڵەتی نوێی توشبون بەو نەخۆشیە تۆماركراوە و كۆی گشتی ئەو كەسانەش كە لە ماوەی ساڵانی 1986 تا ساڵی 2018 لە هەرێمی كوردستان توشی نەخۆشیەكە بون بریتین لە 32 كەس كە لە نۆ كەسیان لە ڕەگەزی مێیەن.

139 جار خوێندراوەتەوە