ئەمریكا؛ بومەلەرزەیەكی بەهێز شارێكی ئەلاسكای هەژاند

11:03 - 01/12/2018
جیهان

ئەمریكا؛ گوڕی بومەلەرزەكە 7،7 پلە بووە بە پێوەری ڕێختەر
دۆناڵد ترامپ باری نائاسایی لە سەرانسەری ئەمریكا ڕاگەیاند
كەشناسی ئەمریكا هۆشداری سەرهەڵدانی تسونامیەكی نوێ دەدات

 
چەند بومەلەرزەیەكی یەك لەدوای یەك بە گوڕی 7،7 پلە بەپێوەری ڕێكختەر، (ئەنكوراج)ی گەورە شاری ئەلاسكای هەژاند، كەشناسی ئەمریكاش هۆشداری سەرهەڵدانی تسونامییەكی نوێ دەدات لەناوچەكە.

سەرچاوەكانی هەواڵ باس لەوە دەكەن، بومەلەرزەكە لە بەیانی ڕۆژی هەینی بەكاتی ئەمریكا ڕوویداوە، بەهۆی بەهێزی گوڕەكەیەوە، زەرەرو زیانێكی زۆری بەڕێگاوبانی شاری ئەنكوراج كەوتووە، ئەوەش ترس و دڵەڕاوكێی لەنێو دانیشتوانی ئەمریكا دروستكردوە‌و زۆربەی دانیشتوانی شاری ئەنكوراج، ماڵەكانیان جێهێشتووە.

ناوەندی بومەلەرزەزانی ئەمریكا ڕایگەیاندوە، بومەلەرزەكە بەدووری 12 كیلۆمەتر لەشاری ئەنكوراجی ئەلاسكا ڕوویداوە كە 300 هەزار كەسی تێدا دەژی، بەڵام تائێستا هیچ ئامارێكی فەرمی لەبارەی زیانە گیانیەكانی ڕووداوەكەوە ئاشكرا نەكراوە.

ناوەندەكە هۆشداری دەدات لە سەرهەڵدانی تسونامییەكی نوێ لەناوچەكە، بەوپێیەی لەرۆخی دەریاوە نزیكە، لای خۆشیەوە سەرۆكی ئەمریكا دۆناڵد ترامپ باری نائاسایی لەسەرانسەری وڵات ڕاگەیاندو داوای لە تیمە فریاگوزارییەكان كرد هاوكاری خێرا بەدانیشتوانی ناوچەكە بگەیەنن.

3320 جار خوێندراوەتەوە