بڕیارێكی وەزارەتی كاروكاروباری كۆمەڵایەتی موچەی هەزاران كەمئەندام دەبڕێت

07:44 - 30/11/2018
ئابوری

بڕیارێكی وەزارەتی كاروكاروباری كۆمەڵایەتی موچەی هەزاران كەمئەندام دەبڕێت ‌و هەر كەمئەندامێك فەرمانبەر بێت ئەگەر رێژەی كەمئەندامیەكەی نەگاتە لە 70 % ئەو موچەكەی دەبڕدرێت، سكرتێری یەكێتی كەمئەندامانی كوردستانیش دەڵێت: ئەگەر كەسێك لەسەدا 70 % جەستەی كەمئەندام بێت چۆن دەتوانێت فەرمانبەر بێت.

رێكار ‌و بڕیارەكانی وەزارەتی كاروكاروباری كۆمەڵایەتی ژیانی كەمئەندامان سەختر دەكەن.

رزگار یەكێكە لەوانەی، كە هەر لە منداڵیەوە توشی نەخۆی ئیفلیجی بووە ئێستا لە سوچێكی ماڵەكدا بەم پەتە بەستراوەتەوە، چونكە تەنها پیرە دایكێكی هەیەو توانای ئەوەی نیە كە هەموو كات فریای بكەوێت، بەهۆی پشكنینیەوە موچەكەی لە 150 هەزارەوە بۆ 120 كەمكرایەوە.

دایكی تاكە فریادڕەسی رزگارە‌و بژێوی ژیانیشیان بە موچەیەكی 120 هەزاری ‌و خانەشینی دایكی مەیسەر دەبێت.

ساڵی 20017 كاتێك پشكنین بۆ خاوەن پێداویستیە تایبەتیەكان كرا‌و رێژەی كەمئەندامبوونیان دیاریكرا موچەی نزیكەی بیست هەزار كەس بڕدرا، لە ئێستاشدا بڕیارێكی وەزارەتی كاروكاروباری كۆمەڵایەتی موچەی هەزاران كەمئەندامی تر دەبڕێت، لەبڕیارەكەدا هاتووە هەر كەمئەندامێك فەرمانبەر بێت ئەگەر رێژەی كەمئەندامیەكەی نەگاتە لە 70 % ئەو موچەكەی دەبڕدرێت.

سكرتێری یەكێتی كەمئەندامان دەڵێت: ئەگەر كەسێك لەسەدا 70 % جەستەی كەمئەندام بێت چۆن دەتوانێت فەرمانبەر بێت.  

پێش پرۆسەی پشكنین 120 هەزار كەس موچەی كەمئەندامیان هەبوو، موچەی بیست هەزاریان بڕدرار‌و ئەگەریش هەیە بەپێی بڕیارە نوێكەی وەزارەتی كاروباری كۆمەڵایەتی موچەی پێنج هەزارێكی تر ببڕدرێت، كە دوور نیە كەسانی هاوشێوەی رزگاریان تێدابێـت.

165 جار خوێندراوەتەوە