سلێمانی؛ بۆ یەكەمجار لەسەر ئاستی عێراق نەشتەرگەری چاندنی سەمامی دڵ ئەنجامدرا

05:19 - 24/11/2018
تەندروستی

بۆ یەكەمجار نەشتەرگەریەكی تایبەت چاندنی سەمامی دڵ لەسەر ئاستی عێراق و هەرێمی كوردستان لە سەنتەری نەخۆشیەكانی دڵ لە سلێمانی ئەنجامدرا.

دكتۆر ئارام جەمال میرزا، كە سەرپەرشتی نەشتەرگەرییەكە دەكات، بەKNNی راگەیاند: لە رۆژی هەینیەوە دەستیان بە ئەنحامدانی نەشتەرگەریەكە كردوە تا ئێستاش چوار كەس ئەو نەشتەرگەریەیان بۆ ئەنجامدراوە، كە بریتیە لە چاندنی سەمامی دڵ.

راشیگەیاند: ئەم نەشتەرگەریە بۆ ئەو كەسانە دەكرێت، كە ناتوانرێت لە رێگەی كردنەوەی سنگ نەشتەرگەرییان بۆ ئەنجام  بدرێت.

دكتۆر ئارام جەمال میرزا، دەڵێت: بەئەنجامدانی ئەو نەشتەرگەریانە سەنتەر نەخۆشیەكانی دڵ لەسلێمانی بڕوانامەی ئەنجامدانی ئەو جۆرە نەشتەرگەریەی پێبەخشرا.

یەكێك لە تایبەتمەندیەكانی ئەو نەشتەرگەریە ئەوەیە نەخۆش بێ ئەوەی قەفەزەی سنگی بكرێتەوە بە ئامێرێكی ئەلكترۆنی لە رانی نەخۆشەكەوە لە ناو بۆری خوێن سەمامەكە رەوانە دەكرێت و دەگۆڕدرێت، دوای شەش رۆژیش نەخۆشەكە دەچێتەوە سەر پێی خۆی.

1640 جار خوێندراوەتەوە