هاوسەرۆکی کەجەکە دەڵێت تاوانبارنین و چاوەڕانی هیچ لێبوردنێک لە تورکیا ناکەن، ئەگەریش تورکیا ڕاستگۆنەبێت لە پڕۆسەی چارەسەریی ئەوا زیانی گەورە دەکات.


هەواڵ:KNNC


بەسێ هۆزات هاوسەرۆکی کۆنسەی بەرێوەبەریی کۆما جڤاکێن کوردستان-کەجەکە لە نوێترین لێدوانیدا ڕایگەیاند: خەباتی کورد جێگەی باشی گرتوە، ئەوانەی 100 ساڵە کوردیان بە نەبوو داناوە ئێستا ئەگەر بە ناڕاستەوخۆش بێت دان بە هەبوونی کورددا دەنێن وەک گەل و ناتوانن نکۆڵی لە بوونی بکەن.

بەسێ هۆزات وتیشی ئەندام و گەریلاکانی پارتی کرێکارانی کوردستان-پەکەکە تاوانبارنین و خەبات بۆ دۆزی ڕەوای گەلێک دەکەن، بۆیە چاوەڕوانی هیچ لێبوردنێک لە تورکیا ناکەن و خەباتی کورد زۆر لەوە گەورەترە لە چاوەڕانی لێبوردنی تورکیادا بێت، ئەوان بۆ گەل تیدەکۆشن و لە ڕیزەکانی گەلدا دەمێننەوە چاویان لە پەرلەمان و هیچ شوێنیکتر نییە.

بەسێ هۆزات وتیشی، ئەگەر تورکیا پرسی کورد بە شێوەیەکی دیموکراتیک چارەسەر نەکات، ڕووبەڕووی مەترسیی گەورە دەبێتەوە و زیانەکەی دەبینێت لە داهاتوودا.

هاوسەرۆکی کەجەکە لە بەشێکی قسەکانیدا ڕایگەیاند: ئەگەر یاساکانی ئازادیی و ئەنتێگراسیۆنی دیموکراتیک دەربکرێن، کادرانی پەکەکە دەتوانن لە تورکیا بەشداری لە سیاسەتی دیموکراتیکدا بکەن و بەشداربن لە کارکردن بۆ دامەزراندنی کۆمەڵگەی دیموکراتیک.


لەبارەی ڕۆڵی جەهەپەش ڕەخنەی لەو پارتە گرت کە نوێنەری خۆی نەناردوەتە ئیمراڵی چونکە پڕۆسەکە پەیوەستە بە تەواوی تورکیا و ئاشتیی ودیموکراتیک لەو وڵاتە نەک بە تەنها کورد...