سلێمانی: شەپۆلی خۆڵبارین تا ئێوارەی ئەمڕۆ بەردەوام دەبێت‌

20/01/2018

‌ ‌  كەشناسی سلێمانی ڕایدەگەیەنێت: لەئێوارەی ئەمڕۆوە ئەو شەپۆلی خۆڵبارینەی كە ڕووی لە ناوچەكە كردووە، كۆتایی دێت ‌و بۆ ئەمساڵیش مەترسی وشكەساڵی ڕەویوەتەوە.

بەڕێوەبەری كەشناسی سلێمانی رایدەگەیەنێت: كاریگەری ئەو شەپۆلی بەفر و بارانەی كە هەرێمی كوردستانی گرتووە، لە كۆتایی ئەمڕۆوە كەم دەبێتەوە و خۆڵبارینیش كۆتایی دێت.

دارا حەسەن بە KNN راگەیاند: لە 24 كاتژمێری رابردوودا 21 ملم باران لە سلێمانی باریوە، بەوەش كۆی گشتی باران بارین لەمساڵدا 174 ملم بووە.

لەلایەكی ترەوە بەڕێوەبەری كشتوكاڵی رانیە دەڵێت: ئەمساڵ 223 ملم باران لەسنورەكە باریوە، بەوەش مەترسی وشكە ساڵی ڕەویوەتەوە.

كەشناسی پێنجوێنیش رایدەگەیەنێت: ئەمساڵ  305 ملم باران باریوە ئەو ڕێژەیەش لەساڵی ڕابردوو زیاترە، بەڵام ڕێژەی بەفر بارین پار ساڵ زیاتر بووە.


تێبینی بنوسە

هه‌واڵی زیاتر