مامۆستایانی ناڕازیی: رۆژی 18ی مانگ خۆپیشاندانێكی فراوان ده‌كه‌ین‌

09/12/2017

‌ ‌ ئه‌نجومه‌نی مامۆستایانی ناڕازیی سلێمانی‌ رایده‌گه‌یه‌نێت رۆژی چوارشه‌ممه‌ داواكاریه‌كانیان و په‌یامی ناڕه‌زایی ده‌گه‌یه‌ننه‌ باره‌گای نه‌ته‌وه‌ یه‌كگرتووه‌كان له‌ هه‌ولێر، ده‌شڵێت مامۆستایان خۆیان خاوه‌نی بڕیاری راگرتنی پرۆسه‌ی خوێندنن..

ئه‌نجومه‌نه‌كه‌ له‌ به‌یاننامه‌یه‌كدا ئاماژه‌ی به‌وه‌شكردووه‌ هه‌موو لایه‌ك ئاگادارده‌كه‌نه‌وه‌ كه‌ رۆژی 18/12/2017 خۆپیشاندانێكی فراوان ده‌كه‌ن له‌ پێناوی گۆڕانكاری و به‌ده‌ستهێنانه‌وه‌ی مافه‌كانیان و دژایه‌تی گه‌نده‌ڵی و گێڕانه‌وه‌ی شكۆ بۆ هاوڵاتیان و موچه‌خۆران.

به‌یاننامه‌كه‌ ده‌ڵێت كه‌رتی په‌روه‌رده‌ له‌ به‌رده‌م ڕوخانی ته‌واوه‌تیدایه‌ و وێرای دابیننه‌كردنی پێداویستیه‌كانی خوێندن له‌لایه‌ن وه‌زاره‌تی په‌روه‌رده‌وه‌، دۆخی مامۆستایان و پێنه‌دانی موچه‌كانیان وایكردووه‌ مامۆستایان نه‌توانن به‌رده‌وام بن، گومانی تێدا نیه‌ مانگرتن و بایكۆت مافی هه‌رتاكێكه‌، بۆیه‌ ئێمه‌ پێمان وایه‌ مامۆستایان خۆیان خاوه‌نی بڕیاری راگرتنی پرۆسه‌ی خوێندنن..



تێبینی بنوسە

هه‌واڵی زیاتر