پێنجوێن: كه‌سێك به‌هۆی ته‌قینه‌وه‌ی مینه‌وه‌ مرد‌

06/12/2017

‌ ‌ له‌ قه‌زای‌ پێنجوێن به‌هۆی‌ ته‌قینه‌وه‌ی‌ مینه‌وه‌ كه‌سێكی‌ مرد، به‌هۆی‌ ژه‌هژاویبونیشه‌وه‌ شۆفێرێك له‌ناو ئۆتۆمبیله‌كه‌یدا گیانی‌ له‌ده‌ستدا. 

به‌ڕێوه‌به‌ری ڕاگه‌یاندنی نه‌خۆشخانه‌ی گشتی پێنجوێن، ڕایگه‌یاند، دوو هاوڵاتی به‌مه‌به‌ستی دۆزینه‌وه‌ی ئاسن و په‌یداكردنی بژێویان له‌ قه‌زای سه‌یدسادقه‌وه‌ هاتونه‌ته‌ شاخی ئاسن كوڵێن له‌ نزیك قه‌زای پێنجوێن، له‌كاتی‌ گه‌ڕاندا یه‌كێكیان مین پێیدا ته‌قیوه‌ته‌وه‌‌و ده‌ستبه‌جێ مردوه‌. 

به‌ڕێوه‌به‌ری ڕاگه‌یاندنی نه‌خۆشخانه‌ی گشتی پێنجوێن وتی‌: له‌ ڕووداوێكی تردا هاوڵاتییه‌كی خه‌ڵكی ڕۆژهه‌ڵاتی كوردستان كه‌ شۆفێری ئوتۆمبێلی گواستنه‌وه‌ی سوته‌مه‌نیی بووه‌، له‌ ناو ئوتۆمبێله‌كه‌یدا به‌هۆی غازه‌وه‌ ژه‌هراوی بووه‌ و گیانی له‌ده‌ستداوه‌.

ئاماژه‌ی‌ به‌وه‌كرد، هاوڵاتییه‌كه‌ ته‌مه‌نی 48 ساڵه‌ و ته‌رمه‌كه‌ی به‌مه‌به‌ستی لێكۆڵینه‌وه‌ ڕه‌وانه‌ی پزیشكی دادی سلێمانی كراوه‌.



تێبینی بنوسە

هه‌واڵی زیاتر