سیروان حەمە رەشید

فراوانکردنی بەرەی ئۆپۆزسیۆن و هاوپەیمانیەتیی وەک جێگرەوە‌


جۆرەها میکانیزم و شێوازی خەباتیی مەدەنیی هەیە بۆ گەیشتن بە خواستیی گۆڕانکاریییە بنەڕەتیی و ئامانجە باڵاکانی نیشتیمان.
لەکوردستاندا چەندەها ڕێگا وئەزموونی مەدەنییانە تاقیکراوەتەوە، تا ژیانی سیاسی وحکومڕانی بکەوێتە سەر ڕەوتی سروشتی وئاسایی خۆی،

ماوەی چەند ساڵێکە ئۆپۆزسیۆن و ڕۆژنامەنووس و نوسەر و ڕووناکبیران لەرێگەی ئامراز وکەرەستە مەدەنییەکانەوە ،دەسەڵاتدارانی هەرێم لەمەترسیی چۆنییەتیی ئەو شێوازە لەحکومکردن بەئاگا هێناوەتەوە، بەڵام ئەم دەسەڵاتە هاوشێوەی حکومڕانە ستەمکارەییەکانیی ناوچەکە تەنها خەریکیی بەرهەمهێنانیی ستەمکاریی و ناشیرینکردنیی دونیای سیاسەت وێرانکردنیی سەرخان وژێرخانیی کۆمەڵگەی ئێمە بوون .

دیارە ئەم جۆرە لەسیاسەت ودەسەڵاتداریەتییەی پارتیی ویەکێتی پەیڕەوییان کردوە، هەم لەسەر ئاستی ناوخۆیی عێراق وهەرێم و هەم لەسەر ئاستی ڕای گشتی وسیاسەتی نێودەوڵەتییەکان هیچ ڕەواجێکیی نەماوە و بوونە نابووترین سەروسیمای سیاسی.
بۆیە لەئێستادا بەپێی ئەم بنەما قواعیدییە دەسەڵاتی هەرێم "لامحل لها من اعراب." هێشتا ئەوەی زۆر جێگەی سەرسوڕمانە ئەم دووگرووپە سوڵتانییە لەخۆشخەیاڵی قوڵدان و سەرمەستی مانەوەی دەسەڵاتدان! . هەنوکە بەرەی بزووتنەوەێ گۆڕان وکۆمەڵی ئیسلامی و هاوپەیمانی بۆ دیمۆکراسی بەرەێکیان پێکهێنا.

دواجار ئەرک وبەرپرسیارییەتیی ئێجگار گەورە لەئەستۆیی ئەو بەرەدا ئەوەیە بەنەخشەییەکی وورد وهەمەلایەنەوە بێگوێدانە ڕووگە وئایدۆلوژیایی سیاسی و گرووپە کۆمەڵایەتی و حزبەکان لە ڕاستەوە بۆ ئەوپەڕی چەپ و لەسیکۆلارستیەوە تا ئەوپەڕی ئێسلامیی، ئەو بەرەیە فراوانتر بکرێت.، تا بەهەمولاێک وەکو بەدیلێکی سیاسیی بەهێز وکاریگەر وخاوەن دونیابینی ، بە پڕاکتیکیانە هەنگاوی جددیانە بنێن لەپێناو گۆڕانکاریی بنچینەیی لە ژیانی حکومڕانییدا ئەو بێهیواییەیی بەرۆکی خەڵکیی کوردستان گرتووە بەریبدا.

ڕوونە ئەمەش بەرئەنجامی بێباکیی و نەشارەزایی کاری سیاسیی و ئەو فۆرمە ناشیرین و ئێکسپایەرەییە کوردستانی گەیاندە ریسواترین و لاوازترین قەواریی سیاسی لە مێژوویی حکومڕانیی ناوچەکە.

دواجار ئەوەی لەم قۆناغەدا وەک پێویسترین و گرنگترین هەنگاو وهێزە سیاسی وکۆمەڵایەتییەکانە بەرەی دژە دەسەڵات فراوان و فراوانتر بکەن.

خوێندراوەتەوە528