ئاریان ره‌ئوف

پاساوەکانی نیچرڤان بارزانی بۆ بەدەستەوەدانی شەنگال‌


ئەمرۆ نیچرڤان بارزانی لە ساڵیادی جینۆسایدکردنی ئێزیدەکان و بەدەستەوەدانی شەنگال وتارێکی دورو دریژی پێشکەش کرد کە زۆرینەی وتارەکەی تەرخانکرد بۆ پاساو هێنانەوە بۆ بەدەستەوەدانی شەنگاڵ و دیفاع نەکردن لە شەنگال تا جینۆسادکردنی. ئەوەی جێی تێرامانە دوای سێ ساڵ لەم تاوانە گەورەیە نێچرڤان بارزانی  دێت بی شەرمانە  کۆمەڵی هۆکاری بێ بنەما دەکاتە پاساو بۆ بەرگری نەکردن لە شەنگال، بۆ ئەوەی بڵێت تاوانی شەنگال لە سەر ئێمە نەبوو و ئێمە چەکی بەهێزمان نەبوو بۆیە شەنگالمان بە دەستەوەدا، چەکی بەهیزیش کاتێک بە دەست دێت کە دەوڵەتمان هەبێت.  لە کاتیکدا هەموو مان لە سەردەمەکەدا ژیاوین بەشێکی زۆر لە شایەد حاڵەکان بەرونی باسی بە جێهیشتنی شەنگالیان بۆمان رونکردۆتەوە من نامەویت بچمە سەر ئەو وردەکاریانە بەڵام دەمەوێت بە کورتی لەسەر پاساوەکەنی نیچرڤان بارزانی بدوێم:

1- پاساوی یەکەمی بۆ جۆری چەکەکانی داعش گەراندەوە کە چەکەکانیان بریتیبون لە چەکی سوپای عێراق بەڵام چەکەکانی هێزەکانی شەنگال چەکی لاواز بون چونکە تا ئەو کات هەر چەکە کۆنەکانیان لابوو  هەربۆیە شەنگاڵیان دا بەدەستە وە. کە ئەمەش پاساوێکە کەمتر نیە لە خودی تاوانەکە چونکە هەمومان دەزانین لە خانەقینەوە هەتاکو شەنگال بەشێکی زۆری ئەو چەکانەی سوپای عێراق کەوتە دەستی هێزەکانی پارتی و یەکێتی کە زۆر زیتر بوو لەوەی داعش هێرشی پێکرد بۆ شەنگال.

2- پاساوێکی تری بەهیزی  داعش  بوو لە روی رێکخستنەوە، ئەمشیان پاساوێکە دەبێت ئەم دەسەڵاتدارانەی لە سەر بدریتە دادگا، چونکە ئەوە  دەخاتە روو کە زیاتر ٢٣ پیش ئەم تاوانە کوردستان بەناو سوپای هەیە بەشێکی زۆری پارەی هەرێمی کوردستان بۆ هێزە ئەمنیەکان و بەرگریەکان خەرخ دەکرا لە کاتیکدا نەتوانرا لە رێکخستنی هێزکی وەک و داعش باشتر بێت وەک نێچرڤان خۆی ئاماژەی بۆ کرد، چەند ساڵیش پێش ئەم تاوانە هێزە ئۆپۆزسیونەکان داوی بەنیشتمانیکردنی هێزەکانی هەرێمیان دەکرد بەڵام نێچیرڤان بارزانی  دەسەڵاتدارەکانی تری هەرێم بون گاڵتەیان بەم قسانە دەهات . 

3- پاساوی سێیەمی ئەوەبو کە پاراستنی شەنگال لەسەر هێزەکانی سوپای عێراق بوە نەک پیشمەرگە، کە ئەمەشیان پاساوێکە هیچ بنەمایەکی نیە هەموومان دەزانی لە ساڵی ٢٠٠٣ ئەم ناوچەیە بەتەواوەتی لە ژێر کۆنترۆڵی هێزەکانی پارتیدابووە ، لە لایەکی تریشەوە ‌سوپای عێراق یەک مانگ و نیو پێش بەدەستەوەدانی شەنگال شکستی هینا کە دەبوایە لەلایەن هەرێمە بپاریزرایە ئەم ناوچەیە بپاریزرایە .

4- هەروەها ئاماژە بۆ پاشەکشەی هێزەکانی پارتی و هاوڵاتیانی شەنگال دەکات بۆ چیای شەنگال، لە کاتیکدا هەمو مان دەزانین ئەو هیزانەی بەرگریان کرد لە چیای شەنگال ‌هێزەکانی ypgبوو ، بەڵگەش بۆ ئەوە دوای ٣ رۆژ فازل میرانی لە کەناڵێ رووداو وتی هێزێکی تایبەتمان گەیستوەتە سەر چیای سەنگال .

هەمو ئەم پاساوە بێ بنەمایانەی نێچرڤان بارزانی  دەرخەری ئەو راستەیان هەمیشە پاساو بۆ ئەو تاوان و هەڵانەیان دەهێننەوە و گوناهەکەی دەکەنە مل بەرامبەر، هەربۆیە هیزێکی لەم شێوەیە، ئەگەر دەوڵەتیشی بۆ دروست بکرێت نەک ناتوانێت رێگری بکات لە رونەدانی جینۆساید، بەڵکو دەبیتە مایەی هەرشە بۆ سەر ئازادی و دیموکراسی بەو پاساوانەی کە پیش بە دەوڵەت بوون ئەیهێنایەوە بۆ تاوان و هەڵەکانی. 


خوێندراوەتەوە1059