ته‌ندروستی

ماسی بیر بەهێز دەكات و خانەكانی مێشك چالاك دەكات

توێژینەوەیەكی پزیشكی ئەمریكی ئاشكرای دەكات خواردنی ماسی یارمەتیدەرە بۆ بەهێزكردنی توانا بیریەكانی مرۆڤ و چالاككردنی خانە دەمارییەكانی مێشك.

توێژینەوەكە لە زانكۆی  پیتبۆرگی ئەمریكا ئەنجامدراوە دەریخستووە خواردنی ماسی دەبێتە هۆی بەهێزكردنی بیر بە تایبەت بۆ ئەو كەسانەی لەتەمەنی لاوێتیدان و زۆرجار كێشەی بیرچونەوەیان هەیە.

بەپێی توێژینەوەكە هۆكاری ئەم سوودەی ماسی دەگەڕێتەوە بۆ هەبوونی ترشە چەوری ئۆمێگا 3 لە پێكهاتەكەیدا كە كاریگەری لەسەر خانە دەمارییەكانی مێشك دروست دەكات بە تایبەت بۆ ئەو كەسانەی تەمەنیان لە نێوان 15 بۆ 25 ساڵیدایە.

توێژەرەكان بۆ ماوەی زیاتر لە شەش مانگ چاودێری چەند كەسێكیان كردووە لە چەند تەمەنێكی جیاوازدا بوون و بەردەوام ماسی لە ژەمە خۆراكیەكانیاندا هەبووە، دوای چەند تاقیكردنەوەیەكیش كاریگەریی ئۆمیگا 3 لەسەر توانای بیری مرۆڤ ئاشكرا بووە.

باشترین جۆری ماسی كە دەتوانرێت بۆ بەهێزكردنی بیر سودی لێ وەربگیرێت، جۆرەكانی سەلەموون و سەردینە، بەو پێیەی زۆر دەوڵەمەندن بە ترشە چەوری ئۆمیگا سێ، یاخود خواردنی حەبی ئۆمیگا 3.


تێبینی بنوسە

خوێندراوەتەوە1806