ته‌ندروستی

ترێ دژی شێرپەنجەی پرۆستاتە

ترێ یەكێكە لەو میوانەی لەم وەرزەدا بەشێوەیەكی بڵاو لە بازاڕەكاندا بونی هەیە، بەپێی ئەنجامی ئەو توێژینەوانەش كە لەسەری ئەنجامدراوە، دەركەتووە سودێكی زۆری بۆ لەش هەیە و ئەگەری توشبوون بە چەند نەخۆشییەكی مەترسیدار كەمدەكاتەوە.

 توێژینەوەیەكی ئەمریكی كە لەسەر ترێ ئەنجامدراوە دەریخستووە خواردنی ئەو میوەیە لەش لە چەند نەخۆشییەك دەپارێزێت، بە تایبەت نەخۆشی شێرپەنجەی پرۆستات كە یەكێكە لە نەخۆشییە بڵاو و مەترسیدارەكان لەنێو پیاواندا. 

بەڕای پسپۆڕەكان هۆكاری ئەو كاریگەرییەی ترێ لەسەر شێرپەنجەی پرۆستات دەگەڕێتەوە بۆ بونی ماددەی ریزفیراترۆل لە پێكهاتەكەیدا كە خانە شێرپەنجەیەكانی پرۆستات لاواز دەكات، هەروەها چاكبونەوەی ئەو كەسانەش خێرا دەكات كە توشبووی نەخۆشیەكەن. 
    
ئەو مادەیەی پێكهاتەی ترێ دەبێتە هۆی لەناوبردنی %97 ئەو خانانە، ئەمە جگە لەوەی ماددەی ریزفیراترۆل چەندین سودی دیكەی بۆ لەش هەیە, بە تایبەت بۆ تەندروستی دڵ و خڕۆكەكانی خوێن.


تێبینی بنوسە

خوێندراوەتەوە616