ته‌ندروستی

جۆرێكی نوێ ڤایرۆسی زیكا هەڕەشە لە ئەمریكا دەكات

جۆرێكی نوێی ڤایرۆسی زیكا لە ئەمریكا بڵاودەبێتەوە و بەرپرسانی ئەو وڵاتەش هۆشداری دەدەن لە بڵاوبونەوەی ئەو جۆرە مێشولەیەی هۆكاری توشبوونن بە ڤایرۆسەكە لە ناوخۆی ئەمریكادا.

بەرپرسانی ویلایەتی فلۆریدا ناوچەیەكی شاری میامی دیاری دەكەن كە بە سەرچاوەی بڵاوبونەوەی مێشوولەی زیكا دادەنرێت لە ناوخۆی ئەمریكادا و ئەو جۆرە مێشولەیەی لەو ناوچەیەدا بڵاوبۆتەوە جۆرێكی نوێی ڤایرۆسەكەی هەڵگرتووە.

وەزارەتی تەندروستی ئەمریكا لە بەیاننامەیەكدا ئاشكرای كردووە كە پێنج حاڵەتی توشبوون بە زیكا لەو ناوچەیە تۆمار كراوە كە لە دوو ژن و سێ پیاو پێكهاتوون، لە پشكنینەكانیشدا دەركەوتووە ئەو جۆرەی توشی ئەو كەسانە بووە، جیاوازە لەو ڤایرۆسەی پێشتر لە دەرەوەی ئەمریكا و چەند ناوچەیەكی دیكەی ناوخۆی ئەو وڵاتە تۆماركراوە، بۆیە پێویستە ڕێوشوێنی توند بۆ ڕوبەڕووبونەوەی ڤایرۆسەكە بگیرێتەبەر.

بەپێی ئامارەكان تائێستا لە ویلایەتی فلۆریدا هەزار و 21 حاڵەتی توشبوون بە زیكا تۆمار كراوە كە 155 یان لەناوخۆی ویلایەتەكە مێشوولەكە پێوەیداوون و  توشی ڤایرۆسەكەبوون.

تێبینی بنوسە

خوێندراوەتەوە1636