کوردستان

دەربەندیخان: مەراسیمێك بۆ ساڵیادی كۆچی دوایی پێشمەرگەی دێرین مامە عەزە بەڕێوەچوو

مەراسیمی ساڵیادی كۆچی دوایی پێشمەرگەی دێرین و هەڵسوڕاوی بزوتنەوەی گۆڕان لە شاری دەربەندیخان ڕێكخراو تیایدا خەڵاتی ڕێزلێنان بەخشرایە چەندین كەسایەتی و چالای ڕێكخراوەكان لە سنورەكە.

لە وتاری بزوتنەوەی گۆڕاندا هەڵوێست و ماندوبونی مامە عەزە لە سەرجەم وێستگە جیاجیاكانی خەباتی گەلی كورد بەرز نرخێنرا.

هاوكات خەڵاتی ساڵانەی مامە عەزە بەخشرایە ڕێكخراوی هیوای هەژاران كە خزمەتێكی زۆری شارەكەی كردووەو چەندین ئەندامی ئەو ڕێكخراوەش خەڵاتی ڕێزلێنانیان پێبەخشرا.

كەسوكاری مامە عەزەش ڕایانگەیامد خۆیان بەخۆشحاڵ و سەربەرز دەزانن كە باوكیان خاوەنی خەباتێكی دورو دریژ بووە لە شۆڕش و بەرخۆدان و لەهەر كوێیەك ناعەدالەتی هەبوبێت، ئەو لە بەرەی زوڵملێكراواندا وەستاوە و خەونی هەمیشەیی ئەوە بووە گەلەكەی لە چەوساندنەوە ڕزگاری ببێت.

تێبینی بنوسە

خوێندراوەتەوە1895